დეინების საგვარეულო / House Of Dayne
დეინთა საგვარეულო, დორნის მიწების უძველესი საგვარეულოა, თუ ლეგენდებსა და გადმოცემებს დავუჯერებთ, დეინთა საგვარეულო 10 000 წლის წინ ჩამოყალიბდა, 2 000 წლით ადრე ვიდრე სტარკების საგვარეულო შეიქმნებოდა.
ლეგენდების თანახმად პირველი დეინი მიყვებოდა ჩამოვარდნილი ვარსკვლავის გზას, რამაც მდინარა "ჩქარწყალამდე" მიიყვანა, სადაც შემდგომში აიგო დეინთა საგვარეულო ციხე-სიმაგრე "ვარსკვლავთცვენა", ჩამოვარდნილი ვარსკვლავისგან კი გამოიჭედა მახვილი სახელად - "განთიადი", რომლიც მატარებელიც გახლდათ ვესტეროსის პირველი მახვილი სერ არტურ დეინი.
დეინთა საგვარეულო მრავალი წლის განმავლობაში მართავდა დასავლეთ დორნის მიწებს, მეფეთა ტიტულით, თუმცა პრინცესა ნიმერიამ მოახერხა და გაანადგურა ეს სამეფო, უკანასკნელი დეინი მეფე კი კედელზე შავის შესამოსად გაგზავნა.
დეინები ერთ-ერთი საგვარეულოა, რომლებსაც ნათესაური კავშირი გააჩნდათ ვესტეროსის მმართველ ტარგარიენთა დინასტიასთან, მეიკარ ტარგარიენისა და დიანა მარტელის ქორწინების ხარჯზე. სწორედ ამ ქორწილის გამო ტარგარიენთა შემდეგ 4 თაობაში დეინთა სისხლი ერია.
დეინები მრავალი საუკუნეა ფლობენ ლეგენდარულ მახვილს - "განთიადს", რომელიც გამოჭედილ იქნა ჩამოვარდნილი ვარსკვლავის გულიდან, თუმცა ზოგიერთ ლეგენდას თუ დავეყრდნობით მახვილი გამოჭედილია მეტეორის რკინისგან. საგვარეულო მახვილი გადაეცემოდა თაობაში ყველაზე გაბედულსა და ძლიერ მებრძოლს, მახვილის უკანასკნელი მფლობელი კი გახლდათ ვესტეროსის ლეგენდარული მახვილი სერ არტურ დეინი.
დეინები აღნაგობით რადიკალურად განსხვავდებიან დორნის მცხოვრებებისაგან, მათი თვალები ცისფერი და ზოგ შემთხვევაში იისფერია, კანი კი ღია თეთრი, რაც მათ ვალირიულ წარმოშობას უსვამს ხაზს, თუმცა ერთ-ერთ ინტერვიუში მარტინმა არ დაადასტურა დეინების ვალირიული წარმოშობა.
საგვარეულოს წარმომადგენლები:
● ალირია დეინი.
● ედრიკ დეინი(ნედი) - ლორდ ბერიკ დონდარიონის საჭურველთმტვირთველი.
წარსულში:
● არტურ დეინი, აისის მახვილი - სამეფო გვარდიის რაინდი ეირის II ტარგარიენის მმართველობისას, მოკლული იქნა სიამოვნების კოშკთან.
● აშარა დეინი - არტურ დეინის და, ედარდ სტარკის საყვარელი და ჯონ სნოუს დედა. სიცოცხლე დაასრულა თვითმკვლელობით.
● ულრიკ დეინი - დაისის მახვილი. ცხოვრობდა ეიგონის შემოჭრიდან მე-2 საუკუნეში, ულრიკი გახლდათ ვესტეროსის ლეგენდარული მახვილი.
● ჯოფრი დეინი - ვარსკვლავთცვენის რაინდი და ეიგონ დამბყრობლის თანამედროვე.
● კლარისა დეინი - ვარსკვლავთცვენის ლედი, მეიგორ ტარგარიენის თანამედროვე.
● დიანა დეინი - მეიკარ ტარგარიენის მეუღლე და 4 შვილის დედა.
● დავოს დეინი - დედოფალ ნიმერიას მე-3 ქმარი.
● ვორიან დეინი - დეინთა დინასტიის უკანასკნელი მეფე, რომელიც გადასახლებულ იქნა კედელზე.
● სამუელ დეინი - დორნის ერთ-ერთი მეფე.